لمّا راقب اللي عم بيصير عنا بلبنان بقول "يا عيب الشوم" لإنو للأسف عنا مجموعة من الناس قرروا انن يبيعوا بلدهن للأمريكان بأرخص الأثمان كرمال كرسي أو موقع أو حساب بالبنك. الوضع بلبنان صار مزعج كتير لبنان اللي من فترة قصيرة علم العالم كلو كيف بكون النصر والدفاع عن الشرف والعزة، فيه كم واحد بدن ياخدو هالبلد العظيم لمكان مش معروف. بدّن يعاقبو الناس اللي صمدت بالحرب قدام العدو الصهيوني وكل ذنب هالناس إنن وقفوا مع المقاومة وما قبلوا يوقفوا بالصف المعاكس. بعد الحرب حاولت جماعة 14 شباط أو متل ما صار اسمن "الشباطيين" او "السياديين الجدد" يماطلوا بالالتفات للعالم اللي خسرت بيوتا بالضاحية أو بالجنوب وما بعتوا حدا منن أو حتى آليات تساعد بازالة الركام والهدم عن الطرقات، وغير هالأساليب كتيرة. بعد الحرب بفترة قصيرة حكيت مع صديقة الي بالجامعة عالتلفون من مذهب تاني ما كان عندا اتجاه سياسي بس الظاهر غيرت رأيها بالحرب، وفجأة تحول الحديث للسياسة، فصارت تدافع عن رئيس الحكومة والحكومة وعبرت عن انزعاجها من تعليقات الناس على الحكومة وانن لازم يصبروا عليها وما ينتقدوا عملها وقالتلي "بدّن ياها تصلح كل شي بلمحة بصر؟! ولا بالسحر؟". تمنيت لو إني قدرت احكي معها بعد هالاتصال بكم يوم لما حكومتنا العظيمة "اللي وقفت الحرب"!!! استضافت بكل وقاحة توني بلير رئيس الوزرا البريطاني اللي فتح مطارو كرامة لعيون الأمريكان يمرروا من خلالو كل اللي بدن ياه من دون سؤال.. هيدي حكومتنا العزيزة اللي لازم نحنا نركعلها ونبوس ايدها لانها وقفت الحرب وشو هالنكتة الكبيرة والسخيفة!! لازم نشكرها ألف مرة لأنها ما التفتت لمشاعر العالم اللي خسرت ولادها وأهلها وبيوتها بسبب هالمجرم البريطاني وأربابو الأمريكان. بس شو بدنا نعمل عنا بهالبلد ناس ما بيختلفوا عن بلير أبدا بيفيقوا وبيناموا على النشيد الوطني الأمريكي وما بياكلوا الا بإذن من السفارة بعوكر. عوكر هيدي اللي صارت رمز للأفعى والغدة السرطانية بلبنان اللي بيحميها وللأسف شباب من لبنان..
غير هالأغلاط صارت كثير أو يمكن مش أغلاط هيدي مؤامرة مدروسة من قبل السياديين الجدد الخايفين علينا كتير وبدهن يساعدونا وبدهن يكملوا جميلهن علينا بعد ما وقفوا الحرب بجهودن العظيمة.
للأسف صرنا متأكدين، مش بس حاسين، انو عدونا اللي على حدودنا الجنوبية أقل خطورة بكتير من هول اللي مسيطرين على كل شي بالداخل وماخدين الشعب اللبناني على انهن عبيد ما عندن شعور ولا عزة ولا كرامة وانهن بحقلن يدعسوا على قلوب الشعب المقاومة ويستضيفوا "كوندي" أو "بلير" أو ما بتعرفوا بكرا مين بيستضفوا؟! أو حتى يضيفوا الاسرائيلي شاي بثكنة مرجعيون بدل ما يواجهوا بالرصاص؟! هيدي حكومتنا العزيزة.
على كل حال هالحكومة مش مطولة، وتاريخ صلاحيتها صار قصير كتير وقريبا ان شاء الله رح نعلم الأمريكان ان ما يتدخلوا فينا. هزمنا بنتن العزيزة اسرائيل بالحرب ومش صعب علينا أبدا نهزم موظفينن الأوفياء بلبنان بطريقة ديمقراطية كثير متل ما بحبو الأمريكان بالمظاهرات السلمية البسيطة اللي متل ما قال سماحة السيد الله يحفظو اننا مش حنستعمل السلاح وما حنحققلن هدفهن ولا أمنيتهن بإنا نطلق رصاصة واحدة.
غير هالأغلاط صارت كثير أو يمكن مش أغلاط هيدي مؤامرة مدروسة من قبل السياديين الجدد الخايفين علينا كتير وبدهن يساعدونا وبدهن يكملوا جميلهن علينا بعد ما وقفوا الحرب بجهودن العظيمة.
للأسف صرنا متأكدين، مش بس حاسين، انو عدونا اللي على حدودنا الجنوبية أقل خطورة بكتير من هول اللي مسيطرين على كل شي بالداخل وماخدين الشعب اللبناني على انهن عبيد ما عندن شعور ولا عزة ولا كرامة وانهن بحقلن يدعسوا على قلوب الشعب المقاومة ويستضيفوا "كوندي" أو "بلير" أو ما بتعرفوا بكرا مين بيستضفوا؟! أو حتى يضيفوا الاسرائيلي شاي بثكنة مرجعيون بدل ما يواجهوا بالرصاص؟! هيدي حكومتنا العزيزة.
على كل حال هالحكومة مش مطولة، وتاريخ صلاحيتها صار قصير كتير وقريبا ان شاء الله رح نعلم الأمريكان ان ما يتدخلوا فينا. هزمنا بنتن العزيزة اسرائيل بالحرب ومش صعب علينا أبدا نهزم موظفينن الأوفياء بلبنان بطريقة ديمقراطية كثير متل ما بحبو الأمريكان بالمظاهرات السلمية البسيطة اللي متل ما قال سماحة السيد الله يحفظو اننا مش حنستعمل السلاح وما حنحققلن هدفهن ولا أمنيتهن بإنا نطلق رصاصة واحدة.
ليست هناك تعليقات:
إرسال تعليق